له‌ درێژه‌ی به‌ریه‌ككه‌وتنی هێزه‌كاین په‌كه‌كه‌ و سوپاس توركیا له‌ په‌لامارێكی چه‌كدارانی په‌كه‌كه‌دا 5 ئه‌فسه‌ر پۆلیس و سێ سه‌رباز تورك برینداربوون.
به‌پێی هه‌واڵه‌كه‌ی ئاژانسی ئه‌نادۆڵ، چه‌كدارانی په‌كه‌كه‌ به‌ چه‌كی قورس و سوك هێرشیانكردووه‌ته‌سه‌ر بنكه‌ی پۆلیسی ناوچه‌ی په‌رواری له‌ هه‌رێمی سێرت، بۆماوه‌ی نزیكه‌ی 40 خوله‌ك شه‌ڕو پێكدادان له‌نێوان هه‌ردوولادا روویداوه‌، دواتر چه‌كداره‌كان به‌ره‌و ناوچه‌ شاخاوییه‌كان هه‌ڵهاتوون.
جێی ئاماژه‌یه‌ له‌ماوه‌ی مانگی رابردوودا به‌هۆی شه‌ڕوپێكدادان له‌گه‌ڵ چه‌كدارانی په‌كه‌كه‌دا، زیاتر له‌ 20 سه‌ربازی توركیا كوژراون.